Telefonat inteligjentë me ekrane të aftë për t’u vetëriparuar mund të fillojnë të shfaqen në treg duke nisur nga viti 2028, sipas firmës analitike CCS Insight.

Në përmbledhjen e parashikimeve të teknologjisë për vitin 2024 dhe më tej, CCS Insight tha se pret që prodhuesit e telefonave inteligjentë të fillojnë të prodhojnë telefona me ekrane që kanë aftësi vetesheruese brenda 5 viteve.  Mënyra se si kjo mund të funksionojë është duke inkorporuar një nanoveshje në sipërfaqen e ekranit që, nëse gërvishtet, çliron një material të ri që reagon kur ekspozohet ndaj ajrit dhe plotëson hapësirën e dëmtuar.

Kompanitë kanë folur për teknologjinë e ekranit të smartfonëve që mund të riparohen vetë prej disa vitesh. LG, gjiganti i elektronikës së konsumit të Koresë së Jugut, po reklamonte teknologjinë e vetë-shërimit në telefonat inteligjentë qe ne vitin 2013. Kompania lëshoi ​​një smartphone të quajtur G Flex i cili kishte një ekran të lakuar vertikalisht dhe një shtresë vetesheruese në anën e pasme.

“Ka disa teknologji të reja mbi të cilat kompanitë po punojnë tani, që duket sikur mund të rikthejnë përdorimin e ekraneve vetëshërues. Nuk po flasim për ekranet e thyera që rregullohen mrekullisht. Të gjitha këto janë vetëm gërvishtje të vogla estetike”, cit. Wood.

Disa prodhues të tjerë telefonash kanë reklamuar materiale vetë-shëruese në telefonat inteligjentë. Në vitin 2017, Motorola paraqiti një patentë për një ekran të bërë nga një “polimer me memorie të formës“, i cili, kur plasaritet, riparohet vetë. Ideja është që, kur nxehtësia aplikohet në material, ai shërohet mbi të çarat. Ndërkohë Apple gjithashtu kishte siguruar më parë një patentë për një iPhone të palosshëm me një mbulesë ekrani që do të rregullohej vetë kur dëmtohej.