Motorola prezanton konceptin e smartphone-it me ekran të rrotullueshëm





Gjatë kohëve të fundit  kemi parë koncepte smartphone-sh që vijnë me një ekran të rrotullueshëm nga Oppo, TCL apo Samsung. Tashmë Lenovo do të nisë shitjen e laptopit me ekran të rrotullueshëm, ndërkohë që edhe Motorola, po përgatitet për të sjellë të njejtën teknologji në smartphone.


Në pamje të parë ne mund të shikojmë një smartphone me ekran kompakt të gjatë 4 inç, mirëpo me klikimin e një butoni, paneli OLED zgjerohet në madhësinë normale 6.5 inç. Për të zvogëluar sërisht pajisjen mjafton të klikoni në buton. Smartphone-i është funksional në të dyja madhësitë, dhe përmbajtja që shfaqet i përshtatet madhësisë së ekranit.


Lenovo prezantoi ekranin e rrotullueshëm në një laptop i cili në pozicionin fillestar ka një ekran në formë drejtkëndëshi, e cila më pas zgjerohet në një formë katrore, duke e bërë ekranin shumë të përshtatshëm për ndjekjen e videove.

Motorola prodhon aktualisht një pajisje me ekran të palosshëm, Razr, mirëpo ekranet e rrotullueshëm janë edhe më kompleksë. Megjithatë duket se njerëzit e pëlqejnë këtë stil ekrani.