Në
një botë ku telefoni është bërë zgjatim i dorës sonë, ndonjëherë harrojmë sa
peshë mbart ai vërtet. Jo peshë fizike, por peshë mendore
– njoftime të pafundme, mesazhe, lajme, rrjete sociale. Dhe në këtë frymë, lind
“6-Pound
Phone Case” – një cover telefoni që peshon 2.7
kilogramë, i bërë nga çelik inox solid, për të kufizuar përdorimin e
tepërt të smartphone-it.
Telefoni
që nuk ndahet nga ne
E
mbajmë kudo: në tryezë kur hamë, në dorë kur ecim, në shtrat kur flemë.
Fillimisht ishte mjet komunikimi, por sot është bërë një portë pa fund që na
thith orë të tëra në një realitet dixhital.
Shpesh as nuk e kuptojmë sa shumë kohë po humbasim duke “rrëshqitur” në ekran,
ndërsa momentet reale kalojnë pranë nesh.
Ky
aksesori, i quajtur “6-Pound
Phone Case”, përbëhet nga dy pjesë që të fiksueshme nëpërmjet
vidave, duke e bërë të vështirë heqjen e tij sa herë që përdoruesi tundohet të kalojë orë të tëra në ekran.
Qëllimi
është i qartë – sa më i rëndë dhe të jetë telefoni, aq më pak do të kesh dëshirë ta
përdorësh.
Sipas krijuesve, pesha e
tepërt e bën mbajtjen e telefonit për periudha të gjata fizkisht të lodhshme,
duke shkaktuar ndjesinë e lodhjes dhe duke inkurajuar përdoruesin të bëjë
pushime të detyruara nga ekrani. Me kalimin e kohës, trupi mëson ta shmangë
sforcimin, duke çuar në ulje të kohës së përdorimit të telefonit.
Dizajni i kësaj mbulese
është frymëzuar nga telefonat “si tullë” të viteve 1980, me forma drejtkëndëshe dhe trashësi të theksuar.
Megjithë përmasat e mëdha,
kapaku përfshin hapje për portën e karikimit,
butonat e zërit dhe kamerën, duke lejuar përdorimin bazë të aplikacioneve si
mesazhet, thirrjet apo hartat — të paktën derisa lodhja të mos e bëjë më të
mundur.
Interesant
është fakti që disa përdorues e kanë konsideruar këtë pajisje si një mjet të dyfishtë: anti-varësi
dhe pajisje fitnesi, pasi mund të përdoret edhe si peshë për
ushtrime dore.
Aktualisht, 6-Pound Phone Case është
në përputhje me modelet iPhone 13 deri në 17, përfshirë versionet Pro dhe Pro Max.