ChatGPT, teknologjia që po ndryshon botën!

ChatGPT, teknologjia që po ndryshon botën!

Çfarë është ChatGPT?
ChatGPT është një robot virtual i cili shquhet për aftësinë e tij të krijimit të dialogjeve me përdoruesin si dhe u përgjigjet pyetjeve duke përdorur inteligjencën artificiale në kohë reale. Pra, është një lloj inteligjence artificiale që lejon përdoruesit të ndërveprojnë me një asistent virtual duke përdorur gjuhën natyrore. Këto sisteme nuk mund të bisedojnë saktësisht si një njeri, por shpeshherë duket si diçka e tillë. Ata gjithashtu mund të marrin dhe ripaketojnë informacionin me një shpejtësi marramendëse. Ata mund të mendohen si asistentë dixhitalë – si Siri ose Alexa – por që janë më të avancuar në kuptimin e asaj që kërkoni prej tyre dhe iu përgjigjen në kohë rekord.



Kur u krijua dhe si?
ChatGPT u krijua nga OpenAI, një kompani me bazë në San Françisko. Kompania lançoi ChatGPT më 30 nëntor 2022. OpenAI është një kompani ndër shumë të tjera që punojnë për të ndërtuar chat robotë më të avancuar.

Çfarë bën ChatGPT, "benefitet"?
ChatGPT është i gatshëm në përgjigjen e çdo pyetje dhe problemeve inxhinierike ose matematikore duke dhënë sqarime shumë të detajuara dhe me saktësi të lartë. ChatGPT është i aftë të shkruajë ese, poema, këngë, artikuj gazete, tekste filmash dhe teatrosh në çfarëdolloj stili artistik që kërkon përdoruesi. ChatGPT është i aftë të zgjidhi çdo lloj problemi i cili mund të shkruhet në tekst. Në ndryshim nga motorrët e kërkimit, ky Chat jep përgjigje specifike në lidhje me temën dhe jo informacione të renditura nga "më i klikuari"



Si ndryshojnë rolet me ardhjen e teknologjisë si ChatGPT?
ChatGPT ofron dëshmi të mëtejshme të rritjes së asaj që është, një botëkuptim post-racional, postshkencor: një besim se nëse mbledh të dhëna të mjaftueshme dhe ke fuqi llogaritëse, mund të "krijosh" njohuri autoritare. Pra, në këtë botë, është tekniku, jo shkencëtari, ai që shihet si më i dituri. Është një botë në të cilën autoriteti intelektual nuk qëndron tek ekspertët e çështjeve, por tek ata që mund të krijojnë dhe manipulojnë të dhënat dixhitale. ChatGPT barazon ose shpalos njohuritë jo me të kuptuarit, por me korrelacionet. Ai pasqyron të menduarit e teknikut, jo të shkencëtarit

Sa të sakta janë informacionet që vijnë nga kjo AI?
Ndryshe nga një libër, i cili ofron informacione për botuesin, autorin dhe burimet e autorit që mund t'i rishikoni për të përcaktuar besueshmërinë e tij, ChatGPT është një orakull që mund të manipulohet për të prodhuar atë që krijuesit e tij e konsiderojnë si "të saktë". Sipas akademikëve Mary L. Grey dhe Siddharth Sur, të ashtuquajturat sisteme të inteligjencës artificiale gjithmonë përfshijnë punonjës nga prapaskena që marrin vendime brenda sistemeve të krijuara për të bërë zgjedhje kur bëhet fjalë për vlerësimin e përmbajtjes ose të të dhënave. Këto zgjedhje, sipas përkufizimit, favorizojnë disa grupe dhe rezultate mbi disa të tjera.

Dataizmi dhe vërtetësia e informacioneve
Besimi se të dhënat mund të flasin vetë dhe fakti që këto të dhëna janë të sakta është absurd. Është një ideologji që shpjegon këtë koncept dhe studiuesi José van Dijck e quan "dataizëm". Dataizmi është një term në filozofinë e sotme e krijuar nëpërmjet zhvillimit të të Dhënave një ideologji në përhapje sipër, në formën e një feje ku ‘rrjedha e informacionit’ konsiderohet një ‘vlerë superiore’ duke arguementuar se të gjitha strukturat konkurruese politike ose shoqërore mund të vlerësohen si sisteme të përpunimit të të dhënave. Sipas Dijck, të dhënat nuk janë kurrë të pavarura nga njerëzit: çdo gjë në lidhje me të dhënat - nga zgjedhja e asaj që duhet të konsiderohet si të dhëna, te mbledhja e tyre, te ruajtja e tyre, te përdorimi i tyre - formësohet nga perceptimet, kuptimet tona të kufizuara dhe kontekstet në të cilat mblidhen dhe përdoren të dhënat.